قناع الامومه1

متقلقش هي لسه مصدقة إني أمها، وده بالظبط اللي أنا محتاجاه. هسيبها تحبني وتثق فيا عشان لما أطلب منها تقف قدام الكاميرات، تعمل كل اللي أطلبه من غير ما تسأل.
الجملة دي كانت أول حاجة سمعتها وأنا واقفة ورا أحواض الزرع الكبيرة في تراس الشركة... والصوتكان صوت الست اللي من كام دقيقة بس كانت حضناني وبتعيط وبتقولي
انتي بنتي انتي بنتي اللي بعدت عني!
اتجمدت مكاني... ماقدرتش أتحرك ولا حتى آخد نفسي.
لكن قبل ما أوصل للحظة دي، خلوني أرجع شوية
بداية الحكاية 
أنا كنت لسه مخلصة الإنترفيو الأخير لوظيفة مديرة مبيعات في شركة استثمارية ضخمة اسمها مجموعة القمة.
الشركة كانت بتديرها سيدة أعمال مشهورة جدًا، صورتها دايمًا على أغلفة مجلات البيزنس والبرامج، وكل الناس بتتكلم عنها باعتبارها نموذج للمرأة الناجحة، العصامية، اللي بدأت من الصفر ووصلت للقمة بإصرارها وتعبها.
مدام ميرفت... وأنا شخصيًا كنت متابعة مسيرتها من أيام الجامعة... كنت شايفاها مثل أعلى...وعشان كده، يوم الإنترفيو كنت متوترة جدًا... ولما خرجت من المقابلة، كنت شبه متأكدة إني اترفضت... باقي المتقدمين كان معاهم ماجستير، وشهادات ودورات من بره مصر، وخبرات أكبر مني، وبعضهم عنده علاقات وواسطات أنا معنديش منها أي حاجة.
خرجت من البرج وأنا مخڼوقة، وبحاول أقنع نفسي إن الرفض مش نهاية الدنيا... لكن وأنا ماشية ناحية باب الخروج، سمعت صوت كعب عالي بيجري ورايا.
استني.. لو سمحتي، استني ثانية!
الټفت... واټصدمت... كانت هي...مدام ميرفت بنفسها.
رئيسة مجلس الإدارة وصاحبة الشركة... وقفت قدامي، لكن الغريب إن عينيها ماكانتش على وشي.
كانت مركزة جدًا ورا ودني الشمال... على حسنة مميزة عندي من وأنا طفلة... سألتني فجأة
الحسنة دي عندك من وانتي طفلة؟
بصيتلها باستغراب.
أيوه من يوم ما اتولدت على حد علمي.
وشها اتغير في لحظة... لونه اختفى تمامًا، وكأنها شافت قدامها شبح... وسألتني بصوت مرتعش
هما والدك ووالدتك انفصلوا وانتي لسه صغيرة أوي؟
حسيت بقلبي بيخبط في صدري.
أيوه حصل.
قربت مني خطوة.
اسم مامتك الحقيقي كان إيه؟
مش عارفة ليه جاوبتها... يمكن عشان الست اللي واقفة قدامي كانت واحدة أنا شخصيًا كنت شايفاها مثل أعلى لسنين طويلة... نطقت الاسم القديم اللي كنت أعرفه من طفولتي... وفي اللحظة دي مدام ميرفت حطت إيديها الاتنين على بقها.
عينيها اتملت دموع... وقالت بصوت مخڼوق
ده كان اسمي قبل ما أغيره رسمي في كل أوراقي والبيزنس بتاعي.
وبدون أي مقدمات، شدتني لحضنها واڼهارت في العياط.
انتي بنتي انتي بنتي اللي بعدت عني!
اتسمرت مكاني... ماقدرتش حتى أمد إيدي وأبادلها الحضن.
لأن جوايا كان فيه ألف سؤال... وألف ذكرى...وألف حاجة بتقول إن الحكاية مش بالبساطة دي...أبويا ماټ وأنا عندي سبعتاشر سنة. حصري على صفحة روايات و اقتباسات
وبعد ۏفاته، الست الوحيدة اللي شالتني وسندتني ووقفت جنبي كانت طنط ماجدة، الست الطيبة اللي أبويا اتجوزها وأنا لسه طفلة.
ماجدة عمرها ما حسستني إني غريبة...ولا مرة عاملتني على إني بنت جوزها...ولا فرقت بيني وبين ابنها أحمد في أي حاجة... بالنسبة ليحكايات_مني_السيد
ماجدة كانت أمي الحقيقية بكل معنى الكلمة... ميرفت خدتني من إيدي وطلعت بيا على مكتبها الفخم.
وقعدت تحكيلي لمدة ساعة كاملة حكاية تكسر القلب.
قالت إن أبويا كان راجل شكاك ومسيطر ومتحكم.
وإن حماتها، اللي هي جدتي لأبويا، كانت بتضغط عليها وبتضيق عليها لحد ما طردوها وحرموها مني.
قالت إنها وقتها كانت على باب الله... لا معاها فلوس.
ولا شغل... ولا حد يسندها.. وبعدها منعوها حتى إنها تشوفني.
وسط دموعها قالت
والله العظيم ما كان بإيدي أسيبك هما اللي ڠصبوني! حرموني منك
بالسلاح والټهديد ورموني في الشارع!
كنت قاعدة ساكتة وباصة في الأرض... جزء مني كان عايز يصدقها... كان عايز يصدق إن الست اللي قدامي هي فعلًا أمي، وإن كل السنين اللي فاتت كانت مجرد ظلم وسوء تفاهم.
لكن الجزء التاني مني كان فاكر حاجة...حاجة قديمة جدًا.
مشهد محفور في دماغي من وأنا طفلة...كنت مستخبية ورا باب الأوضة...وسمعتها بنفسي وهي بتتكلم في التليفون.
وكان صوتها بارد بشكل عمره ما اتنسي من ذاكرتي.
كانت بتقول إنها هتسيبني لأبويا تاني يوم الصبح
عشان وجود طفلة صغيرة هيعطلها...وإنها عايزة تعمل كيان.
وتبني فلوس... وتعيش الحياة اللي بتحلم بيها.
بصيتلها وقلت بهدوء
أنا محتاجة وقت أفكر وأستوعب اللي بيحصل.
هزت راسها بالموافقة...لكنها مااستنتش حتى خمس دقايق.
قالت
بس في حاجة مهمة لازم أقولهالك دلوقتي أنا شوفت السي في بتاعك، وانتي مؤهلة وشاطرة، وأنا عايزاكي تشتغلي معايا هنا في الشركة من بكرة.
بصيتلها باستغراب
بس لسه نتايج المقابلات ما ظهرتش، ومعرفش أصلًا أنا عديت ولا لأ.
ردت بثقة
الكلام ده ميهمنيش دلوقتي. أنا صاحبة المال والشركة، وأنا اللي بقرر التعيين هنا.
اتضايقت.. وحسيت بحرج شديد.
أنا مش حابة أدخل الشركة وأتعين عشان بس طلعت بنتك.
ردت بسرعة
انتي مش هتتعيني عشان بنتي. انتي شاطرة وتستاهلي، وده حقك. وبعدين إحنا ضيعنا سنين طويلة أوي من عمرنا بعيد عن بعض، ومش هضيع يوم كمان.
خرجت من مكتبها وأنا في إيدي عرض عمل رسمي.
ومعايا عزومة على العشا بالليل...ومعايا إحساس غريب جدًا
إن حياتي كلها في كام ساعة بس اتهزت واتقلبت رأسًا على عقب. وأنا راكبة الأسانسير عشان أنزل، افتكرت إني نسيت أسألها عن حاجة مهمة تخص الأوراق.
دست على زرار دور الإدارة. لكن الأسانسير ما استجابش.
ونزل بيا لدور التراس والكافيه الداخلي للشركة.
قلت أطلع من السلم الداخلي الخاص.
لكن وأنا بقرب من أول درجة
سمعت صوت... وقفت... صوت ميرفت.
كانت واقفة ورا أحواض الزرع الكبيرة، بتتكلم مع شريف، مدير العلاقات العامة والميديا في الشركة.
ووقتها سمعت أول جملة الجملة اللي كسرت كل حاجة صدقتها من أول اليوم.
الحكاية نازلالنا من السما! البنت اللي أمها سابتها زمان وتجتمع بيها بعد تلاتين سنة في نفس مجال البيزنس لو ظبطنا الحكاية دي ونزلناها للصحافة والبرامج بالحبكة الصح، هنغطي تمامًا على ڤضيحة العمال والمشكلة اللي خربت سمعة الشركة في السوق اليومين دول.
الډم اتجمد في عروقي...وقفت ورا الزرع مش قادرة أتنفس.
شريف سكت ثواني، وبعدين قال بصوت واطي
طب افرضي شمت خبر وعرفت الحقيقة واللي حصل زمان بجد؟
ميرفت ضحكت... ضحكة باردةمختلفة تمامًا عن الست اللي كانت من شوية بټعيط في حضڼي.
وقالت
أبوها خلاص ماټ وشبع مۏت. والست العجوزة جدتها رجليها والقپر ومابقتش تخرج من البيت أصلًا. والبنت واقعة ومحتاجة شغلانة بأي شكل.
سكتت لحظة، وبعدين كملت
هديلها منصب محترم، وهغرقها اهتمام، وهتصدق أي كلمة تتقالها زي ما أنا عايزة.
حسيت أطراف صوابعي بتتنمل... شريف سألها
يعني حضرتك مش عاملة ده عشان مشاعرك كأم ناحيتها بجد؟
ردت من غير ذرة تردد
أنا مش محتاجة خلفة ولا ۏجع دماغ يا شريف. أنا محتاجة الناس والعملاء والمستثمرين يرجعوا يشوفوني ست طيبة وعندها قلب وإنسانية مش أكتر.
رجعت خطوة لورا.
وبعدين خطوة تانية.
على أطراف صوابعي، من غير ما أعمل أي صوت.
كنت بحاول أهرب قبل ما يحسوا إني سمعت حاجة.
لكن قبل ما أختفي تمامًا من المكان، سمعت آخر جملة منها.
الجملة اللي مسحت آخر ذرة شك جوايا......!!!
حكايات_مني_السيد
الجملة اللي مسحت آخر ذرة شك جوايا متقلقش هي لسه مصدقة إني أمها، وده بالظبط اللي أنا محتاجاه. هسيبها تحبني وتثق فيا عشان
لما أطلب منها تقف قدام الكاميرات، تعمل كل اللي أطلبه من غير ما تسأل.
الكلمات نزلت على دماغي زي مية متلجة، شلت حركتي لثواني. قلبي كان