العشا فين حكايات منال على 2

عدت كام يوم.

وكل يوم كنت أرجع ألاقي حاجة متغيرة.

مرة الستارة متبدلة.

مرة الدولاب مترتب.

مرة هدومي متنية بطريقة غير اللي بسيبها بيها.

وأحمد...

كل مرة يقول:

— إنتي بتتخيلي.

لحد ما جه اليوم اللي رجع فيه من الشغل وسأل:

— العشا فين؟

وقلتله:

— دور عليه في الزبالة.

ونزل بنفسه يشوف.

ولما لقى الحلة...

بصلي وقال:

— مين اللي عمل كده؟

قولتله بهدوء:

— اسأل مامتك.

فضل باصصلي.

واضح إنه لأول مرة بدأ يشك.

لبس هدومه وخرج من غير كلمة.